Amassada deu grop de tribalh lenga e cultura occitanas gasconas
La CAPB (Comunautat d'Aglomeracion País Basco) qu’amassarà los membres deu grop de tribalh lenga e cultura occitanas gasconas diluns 3 de junh, de 19 h 30 enlà au Pòle territoriau deu País bidaishòt, a Bidaishe (64).
Ofèrtas d’emplec : Lo Congrès permanent de la lenga occitana recruta
Lo Congrès recruta un(a) desvolopaire(a) e un(a) toponimista dins l'encastre de son projècte de creacion de plataforma lexicala, textuala e toponimica occitana.
Encontres occitans d’Agen
Quauques dias abans la debuta de l'estiu, La Region Novèla Aquitània, lo Departament d'Òut e Garona e la Vila d'Agen, en associacion dab la Region Occitània Pirenèus Mediterranèa, que'vs convidan a viéner participar, los 13 e 14 de junh qui venguen a Agen, aus Encontres occitans de las lengas e culturas regionaus, un eveniment co-organizat per la Region Navèra Aquitània, lo Departament d'Òlt e Garona, la Vila d'Agen e en partenariat dab la Region Occitània / Pirenèus-Mediterranèa.
8 novetats literàrias d’abriu 2024
Novèlas de sciéncia-ficcion, provèrbes, poesia en musica, questions de societat... Las novetats literàrias deu mes d’abriu 2024.
Adesion a La Gardarem
L'associacion La Gardarem prepausa una version renovelada del festenal de l'Estivada, en 2024 a Sebasac. Per sostenir lo projècte, es possible d'aderir.
Prêts pour l’Òc ? Près de chez vous !
La Passem ! que traversarà la Gasconha deu 30 d'abriu au 5 de mai qui vienen. Dens aqueth encastre, Lo Congrès permanent de la lenga occitana, l'Ofici public de la lenga occitana lo CIRDOC-Institut occitan de cultura, lo CFPÒC Navèra Aquitània e la Federacion Calandreta Bearn que s'assòcian entà l'animacion de la corsa.
Disparicion de Gilabèrt Narioo
Qu'ei dab un gran tristèr qui aprenom la mort de Gilabèrt Nariòo lo 6 d'abriu passat...
Jornadas de formacion dels agents dels PNR de la Region Occitània
Lo Congrès èra present a Matamala, en Pirenèus Orientals, a l'escasença de las jornadas de formacion dels agents dels PNR (Pargues naturals regionals) de la region Occitània, doas jornadas de sensibilizacion a las lengas e culturas occitanas e catalanas.
Presentacion deu Congrès a l'IEO Arièja
Dens l'encastre deus Divendres de l'Espaci Occitan organizats per l'IEO Arièja, lo Congrès qu'anè tà Foish a la debuta deu mes d'abriu tà ua presentacion publica de las soas missions e realizacions.
Licéncia professionala Torisme "Lengas e Torisme" Besièrs
L’Universitat Pau Valèri Montpelhièr 3 dobrís una licéncia professionala Torisme "Lengas e Torisme" amb una especialitat Lengas e Patrimòni, en presencial a Besièrs.
Talhèr Linguatec IA a Vielha
Eth 20 de març passat s'amassèc en Conselh Generau d'Aran en Vielha (Val d'Aran) era equipa occitana de LINGUATEC IA, un consòrci transfronterèr d'institucions e de centres de recèrca dedicat ath transferiment de coneishences e ath desvolopament des tecnologies dera lengua tar aragonés, eth basc, eth catalan e er occitan.
Concors literari del CAOC
Lo CAÒC organiza lo 5au Concors de novèlas Enric Garriga Trullols e lo 1èr Concors d'assages e d'articles D'Aura en Aura.
32au Calam en Gascon
Ací Gasconha qu'organiza lo son 32au Calam (Concors literari en Gascon) peu quau la remesa deus prèmis e’s harà lo dissabte 15 de Junh de 2024 a Anglet.
Sonada a contribucions per la revisda Plumas
La FELCO-CREO ven d’aviar una sonada a contribucions per lo numero 6 de la revisda Plumas, a la sega de Fabiana Garnerin, defuntada antan, que l’associacion a tornat préner son trabalh.
Navèra revista universitària Garon@
Las Premsas Universitàrias de Bordèu que prepausan la navèra colleccion Garon@, consacrada a l'occitan (medievau e modèrne), a la soa literatura e au son ensenhament atau com aus apròchis pluridisciplinaris de las culturas regionaus, principaument las deu territòri de Navèra Aquitània (occitan, basco, peitavin-santongés).
11 novetats literàrias de març 2024
Recuèlhs de novèlas o de contes, romans policièrs o de viatge, produccions umoristicas, albums illustrats : las sortidas literàrias del mes de març de 2024.
Visita de l’Institut du Galo
L'ÒPLO (Ofici public de la lenga occitana) recebèt a la debuta de març una delegacion de l'Institut du Galo (lenga romanica de Bretanha) compausada de la conselhèra regionala de Bretanha en carga del gallo, la presidenta, lo director e dels tecnicians de l'Institut du Galo (qu’a per mission lo desvolopament du gallò).
La Passem : qu'ei ubèrta la crompa deus quilomètres !
Augan, La Passem ! que’s harà deu dimars 30 d'abriu dinc au dimenge 5 de mai 2024. La crompa deus quilomètres qu'ei d'ara enlà ubèrta a totas e tots.
Un nau portau en linha dedicat ar aranés
Era universitat de Barcelona qu’acabe de hèr public eth portau Hèm aranés, un nau espaci digitau dedicat ar aprendissatge e ara promocion der aranés.
Aperets a projèctes audiovisuaus d’ÒCtele
Dens l’encastre deu son Contracte d’objectius e de mejans (COM) dab la region Navèra Aquitània, ÒCtele que lança aperets a projèctes audiovisuaus en occitan.
Un article de recèrca coredigit peu Congrès retengut entà LREC 2024
Après lo traductor automatic occitan en 2020, lo prestigiós LREC, Conferéncia internacionau sus las Ressorsas lengatgèras e l'Evaluacion qu'a un còp de mei retengut un article scientific coredigit peu Congrès (Aura Séguier, Michaël Barret e Benaset Dazéas) e lo son partenari tecnic Elhuyar (Iñigo Morcillo, Ander Corral, Igor Leturia, Xavier Sarasola) tà çò deu desvolopament de la reconeishença vocau en occitan.
5 novetats literàrias de febrièr de 2024
Aprendissatge de la lenga, memòrias de nòble, sortida joenessa : cinc navèras publicacions hicadas en lutz.
Lo Basco e la Pluma
Lo concours literari organizat entà las Hèstas de Baiona qu’ei ubèrt a las contribucions dinc au mes de març.
Lo petit Thalamus premiat
L'obratge Le petit Thalamus de Montpellier, les « Annales occitanes » a recebut de l'Acadèmia de las Inscripcions e Bèlas Letras, lo Prètz de las Antiquitats de França per l'annada 2024.