Dempuèi lo 16 de decembre de 2025, las anóncias del tram tolosenc (linha 1) se fan en occitan !
Tisseo, sindicat de transpòrt de la metropòli de Tolosa (que lo president Joan-Miquèl Lattes n'es tanben lo conse-adjunt de Tolosa en carga de l'occitan) contunha d'espandir sas anóncias sonòras en occitan sul seu malhum: aprèp las linhas A e B del mètro e las cabinas Teleo, es al torn de la linha 1 del tram (palais de justícia – Pargue de las exposicions), d'integrar lo dispositiu. Fòrta de mantunes milions de passatgièrs cada ans, aquela linha afortís encara mai la visibilitat del patrimòni lingüistic mondin e son emplec dins una metropòli de 840 000 estajants.
E mai Tisseo anoncièt voler generalizar a tèrme las anóncias bilingüas, en tot començar per la futura linha C del mètro.