Aqueth 12 de noveme a Tolosa, lo Congrès que realizè un còp mei la traduccion simultanèa a l'escadença deu 43au Conselh Plenèr de la Comunautat de tribalh deus Pirenèus (CTP).
Aquera reünion qu'amassa tot an los representants institucionaus deus sèt territòris de la CTP d'Espanha, de França e d'Andòrra.
Pendent la jornada, la region Occitània que passè la presidéncia de la CTP au governament de Navarra, mercant atau la debuta d'un cicle navèth de cooperacion transfrontalèra orientat sus tres èishs prioritaris : la joenessa, la santat e lo cambiament climatic.
