L'Amassada generau deu Congrès que's hasó lo 25 de mai a Tolosa
L'Amassada generau ordinària deu Congrès permanent de la lenga occitana que's debanè lo 25 de mai passat a l'Ofici public de la lenga occitana a Tolosa.
Jornada professionala « Tractament informatic dels còrpus textuals »
Lo 30 de junh passat lo CIRDÒC organizava, en partenariat amb los laboratòris CLLE-ERSS e RedÒc-LLACS, una jornada professionala sul tèma del tractament informatic dels còrpus textuals dins sos locals a Besièrs.
L’InÒc Aquitània acreditat per l’Unesco
Lo 1èr de junh 2016, a la Seishau session de l’Assemblada generau deus Estats-partidas a la Convencion de l’Unesco tà la Sauveguarda deu Patrimòni culturau immateriau, l’etnopòle InÒc Aquitània qu’estó acreditat tà la soa expertisa e lo son tribalh en lo maine deu Patrimòni culturau immateriau occitan.
Formatatge en TEI de las donadas del Congrès
Dins l'encastre de la fuèlha de rota 2015-2019 pel desvolopament numeric de l'occitan, Lo Congrès es a convertir sas donadas al format TEI (Text Encoding Initiative), un soslengatge del XML (Extensible Markup Language) que permet, mercé a de balisas, d'indicar la natura de cada element d'un tèxte (mot, frasa, morfèma...).
Hitzargiak, cluster sociolingüistic
Hitzargiak qu'ei un projècte qui a per tòca de favorizar la diversitat lingüistica europèa en recensant de practicas « innovantas, adaptadas, escadudas o exemplaras tà la comunautat que las a creadas e tà nombrosas autas comunautats lingüisticas o de parlants ». Que recensa, enter autas causas, la huelha de rota 2015-2019 tau desvolopament numeric occitan.
Prèmi Jan Moreu
L'Ofici Public de la Lenga Occitana, Gropament d'Interès Public qu'amassa la Region Aquitània Lemosin Peitau Charantas, la Region Lengadòc-Rosselhon-Miègjorn-Pirenèus e l'Estat, lança lo Prèmi Jan Moreu sus l'innovacion lingüistica.
Actes del collòqui TLRF 2015
Los Actes del collòqui sus las tecnologias per las lengas regionalas de França de 2015, al qual participèt Lo Congrès, son ara disponibles.
Comunicat : Informacion del public, Panoccitan un sembla-diccionari
Los membres del conselh d’administracion del Congrès permanent de la lenga occitana, organisme academic reconegut, meton en garda los utilizaires eventuals del diccionari Panoccitan, en linha fins ara e darrièrament editat sus papièr.
Congrès de l'AIEO de 2017
L'Associacion Internacionau d'Estudis Occitans qu'organizarà lo son XIIau congrès a Albi deu 10 au 15 de julhet de 2017. Que sòrt de publicar la soa purmèra circulara ad aqueth subjècte.
Navèth Master « EvÒc » a l'Universitat Joan Jaurès
L'Universitat Joan Jaurès de Tolosa que crèa a la rentrada de 2016 un navèth Master « Estudi e valorizacion deu patrimòni occitan » (EvÒc).
Inscripcions a la Jurada de 2016
Se volètz venir regent en Calandreta, vos podètz inscriure per la session de 2016 de la Jurada, l'examèn d'entrada a la formacion d'Aprene per ensenhar dins las escòlas Calandreta.
De BaTelÒc au TalÒc - Ressorsas e utís tau tractament de lengas ditas « pauc dotadas »
Dijaus lo 25 de heurèr, lo laboratòri CLLE-ERSS de l'Universitat Joan Jaurès de Tolosa qu'organizè un seminari sus las tecnologias deu lengatge e l'occitan.
Seminari de formacion a la contribucion de Wikimédia France
Lo 23 de genèr passat, la fondacion Wikimédia qu'organizè dab lo sostien de la DGLFLF un seminari arron lo desvolopament de la contribucion a Wikipèdia tà las lengas de França.
Bona annada 2016 !
Bona annada, urosa e granada per vosautres, los vòstres e la nòstra lenga
Baste que l’an novèl
valga mai que non pas lo vièlh….
L’an vièlh 2015, o cal ben dire, es estat òrre, un annus horribilis, al nivèl internacional, nacional e per l’occitan.
Ua borsa CIFRE tà l'etnopòle InÒc Aquitània
L'Agéncia Nacionau de la Recèrca e de la Tecnologia que sòrt d'atribuir a l'etnopòle InÒc Aquitània ua borsa CIFRE tà integrar a la soa equipa ua estudianta qui hè ua tèsi de doctorat en recèrca e desvolopament.
Felip Martel e Maria-Joana Verny nomenats Cavalièrs de las Arts e Letras
Divendres lo 8 de genièr, a l'escasença d'una ceremònia al CIRDÒC, los professors de l'Universitat Paul Valery de Montpelhièr Felip Martel e Maria-Joana Verny recebèron los insignes de « Cavalièrs de las Arts e Letras ».
Occitanica rejonh Gallica
Las ressorsas d’Occitanica son ara presentas dins Gallica, gràcias al pòl associat ligat entre la BnF e lo CIRDÒC.
Las Calandretas de Lengadòc obrisson lors pòrtas
La Federacion de las Calandretas de Lengadòc decidiguèt d'organizar una jornada pòrtas obèrtas lo 23 de genièr de 2016 dins cada establiment Calandreta de la region.
Formacion deus mediatecaris de las Lanas a l'occitan
Lo 17 de noveme, a Onessa e Laharí, un quinzenat de mediatecaris de las Lanas que participèn a un dia de formacion a la literatura occitana gascona organizada per l'InÒc Aquitània.
Un repertòri numeric sul patrimòni cultural occitan
Lo CIRDÒC a aviat lo Repertòri del Patrimòni Cultural Occitan (RPCO). Aquel portal a per tòca de regropar progressivament las entresenhas sus las òbras, los fonses documentaris, los luòcs, las personalitats e las expressions immaterialas que fan la riquesa del patrimòni cultural occitan.
Tecnologias de la lenga : creacion d'ua basa lexicau monolingua de l'occitan
Lo Congrès permanent de la lenga occitana e lo laboratòri CLLE-ERSS (CNRS/Universitat Tolosa-Joan Jaurès) qu'an aviat ua aliança entà la creacion d'un lexic obèrt de las formas flechidas de l'occitan (Loflòc).