Lo 24 de genèr passat Oc prod (societat de produccion d'ÒCtele) que presentè a Vilhèra ÒC futura, lo prumèr global media occitan.
ÒC futura qu'ei lo prumèr global media a har tribalhar amassa mèdias tradicionaus e institucions (Ràdio País, lo CIRDÒC, l'InÒc Aquitània, Lo Congrès, La Setmana, ÒCtele e Occitanica) tà publicar, cada mes, un dossièr mutlimèdia sus una tematica. La prumèra que pertocava los país d'òc en lo roman nacionau francés. Que podetz trobar sus www.ocfutura.com entrevistas audios, articles, videos, definicions de tèrmes, ligams, bibliografias a l'entorn d'aqueth subjècte.