Se volètz venir regent en Calandreta, vos podètz marcar a la Jurada entre lo 6 de març e lo 31 de mai.
La Jurada es pas un concors mas una avaloracion diagnostica dobèrta a totes los qu’an lo desir d’ensenhar dins una escòla Calandreta. Se fa en tres temps : una preparacion amb observacion en classa pendent una mièja jornada o una jornada, entreten oral per parlar de vòstre projècte professional, escriches dins quatre domenis : occitan, pensada, matematicas e francés.
Aquel dispositiu permet mai que mai de mesurar las capacitats d’APRENE a menar los candidats cap a la mesa en òbra de las exigéncias de la Carta de las Calandretas en classa e dins una escòla, e cap al nivèl de competéncias demandat al CRPE.
La conferéncia de decision publicarà, al mes de julhet, la tièra dels calandrins (ensenhaires en Calandreta) admeses en annada d’APRENE 1 per la dintrada seguenta.