Dens l'encastre de la jornada europèa de las lengas, la Collectivitat territoriau de Corsega e l'Universitat Pasquale Paoli de Corte qu'organizèn deu 29 de seteme au 3 d'octobre las jornadas Linguimondi on Lo Congrès èra envitat.
Joan-Pèire Belmon, escrivan, òme de television e de ràdio, ancian productor de l'emission Vaquí sus France 3, president del Cep d'Oc, es mòrt lo 25 de setembre.
Lo CIRDÒC a mes en linha las videos de las intervencions de la segonda Jornada Occitanica, que se debanèt lo 2 de mai e qu'aviá per tèma « La numerizacion del patrimòni per la transmission de las lengas de França ».
Tà har la promocion de la rentrada deus cors d'occitan, lo CFPÒC Aquitània e l'InÒc Aquitània que realizèn Las hèitas de Kévin, ua seguida de tres videos dab un episòdi a descobrir tota setmana.
Lo Congrès qu'a mes en linha ua navèra rubrica dens lo son top'Òc, la basa toponimica occitana. La Passejada que'vs perpausa de descobrir de faiçon ludica uas vilas d'Occitania.
La mediatèca numerica occitana Occitanica a dobèrt un espaci dedicat a la recèrca scientifica, en partenariat amb las universitats e los centres de recèrca en domeni occitan.
Au començar deu mes de julhet, Lo Congrès qu'èra convidat a l'Universitat Occitana d'Estiu de Nimes tà participar a una taula redona titolada « L'occitan sus la tela ».
Lo CFPÒC Aquitània qu'avia tà l'an qui vien navèths cors setmanèrs d'occitan. Qu'a adara tres salariats permanents e un quinzenat de formators vacataris, e que vòu recrutar formators, en especiau suu parçan de Dacs.
Ongan Estivada, lo festenal interregional de las culturas occitanas, se debanarà a Rodés del 22 al 25 de julhet. D'unas estructuras sòcias del Congrès i seràn presentas.
Dempuèi tres ans, Lo Congrès farga d'aisinas lingüisticas en linha per l'occitan, en ensajant de respondre al mai plan als besonhs dels usatgièrs. Per contunhar dins aquela dralha, demandam uèi vòstre vejaire e vòstras suggestions suls otisses presents e a venir.
Qu'ei dab tristèr qui aprengom la despartida de Jan Moreu en un miscap com s'amontanhava. Que volem saludar la memòria d'aqueth quadre deus màgers qui òbran tà la lenga occitana. Que presentam las nostas condolenças sincèras a la soa familha e aus sons tanhents.
David Grosclaude, Conseiller régional d’Aquitaine, a entamé le 27 mai dernier une grève de la faim pour dénoncer ce qu’il appelle le « mépris de l’État » envers l’occitan.
L'Amassada generau deu Congrès permanent de la lenga occitana que's debanè lo 6 de mai a Tolosa. Qu'estó lo parat tà Gilabèrt Mercadièr, President deu Congrès, de tornar sus un an 2014 deus rics tà l'organisme de regulacion de l'occitan.
Fins al 28 de mai vos podètz inscriure a la Jurada, l'examèn d'entrada a la formacion de regent de Calandreta que prepausa lo centre APRENE.
Lo CFPO de Lengadòc prepausa los 10 de junh e 8 de julhet d'acamps d'informacion sus sa formacion de Formator professional en lenga e cultura occitanas.
Jan Labourie qu'a realizat tres filmòts sus Calandreta. Que'us podetz d'arà enlà espiar en linha.
La reforma del collègi anonciada pel govèrn francés preocupa totas las associacions qu'òbran per la promocion de l'ensenhament de las lengas regionalas. Crentan una regression de las possibilitats realas d'ensenhament. An lançat una peticion titolada « Manten e desvolopament de l'ensenhament de las lengas regionalas al collègi ».
Lo CIRDÒC organiza la segonda Jornada professionala del malhum Occitanica lo dijaus 28 de mai dins sos locals a Besièrs. La tematica ne serà « La numerizacion del patrimòni per la transmission de las lengas de França ».
La Confederacion occitana de las escòlas laïcas Calandretas farà son amassada generala lo 16 de mai al CIRDÒC de Besièrs.
L'amassada generala de l'IEO se debanarà los 9 e 10 de mai a Monteleimar, al palais dels congrèsses Charles Aznavour.
Lo dicod'Òc que perpausa d’ara enlà dus navèths diccionaris : lo Diccionari provençau-francés de l’Escomessa e deu CREO-Provença e lo Petit dictionnaire français-occitan d’Auvergne de C. Omelhièr.
Lo site Trobadors d’Aquitània, hèit per l’InÒc Aquitània, qu’a navèras paginas pertocant la vita e l’òbra d’Arnaut Daniel.
ÒCtele, la cadena de television occitana sus Internet, difusa d’aquesta passa dos documentaris realizats e produsits pel CIRDÒC : Jòga ! L’invencion d’un teatre popular contemporanèu e Patrimòni, l’eiretatge d’una civilizacion.
