Lo CIRDÒC e l'Agéncia Nacionala recèrca e tecnologia (ANRT), en aliança amb lo laboratòri de recèrca LLACS-RedÒc e l'Universitat Paul Valery de Montpelhièr, an signat amassa una convencion CIFRE a l'entorn de las tecnologias del lengatge.
Aquela convencion permet d’emplegar Noemia Eyraud, jova doctoranta, per trabalhar sus las tecnologias del lengatge aplicadas als tèxtes occitans e la constitucion d’un còrpus de libres numerics, en complement de sa tèsi sus las problematicas de l’edicion dels tèxtes occitans dels sègles XIX e XX.