Au començar deu mes de julhet, Lo Congrès qu'èra convidat a l'Universitat Occitana d'Estiu de Nimes tà participar a una taula redona titolada « L'occitan sus la tela ».
Qu'i presentè la huelha de rota tau desvolopament deu numeric occitan. Lo CIRDÒC qu'èra tanben present tà parlar de la soa mediatèca numerica Occitanica. Aura Séguier, webmèstra deu Congrès, e Perrine Charteau, encargada deu projècte Occitanica, qu'intervienèn totas duas ad aquera taula redona, tà har conéisher melhor aqueths projèctes qui an per tòca d'ahortir la preséncia de la lenga occitana sus Internet.