100 navèras expressions en occitan dens l'express'Òc
La basa de dadas d'expressions en occitan deu Congrès, l'express'Òc, que'vs perpausa d'ara enlà tres cents expressions illustradas a léger e a escotar.
Novèl esquèma regional de desvolopament de l'occitan en Miègjorn-Pirenèus
Lo novèl esquèma regional de desvolopament de l'occitan en Miègjorn-Pirenèus, adoptat en decembre passat en amassada plenièra, cobrís lo periòde de 2015 a 2020 e perlonga lo tèxte precedent, adoptat en 2007.
Aquitània que torna sostiéner l'occitan tà 2015
Lo Conselh regionau d'Aquitània, au parat de la Comission permanenta deu 2 de març passat, que tornè afirmar lo son sostien a la lenga occitana. Despuish 2004, la Region qu'ei engatjada dens ua politica lingüistica volontarista sus l'ensemble deu son territòri.
Borsas « Ensenhar »
Los futurs estudiants de Master d'Aquitània e de Mieidia-Pirenèus, dab los ensenhaires monolingües d'Aquitània qui's volhan formar tà ensenhar en occitan, que pòden postular tà las borsas « Ensenhar » prepausadas per las duas Regions.
Occitan e reforma del collègi
La reforma del collègi anonciada pel govèrn francés preocupa totas las associacions qu'òbran per la promocion de l'ensenhament de las lengas regionalas. Crentan una regression de las possibilitats realas d'ensenhament. An lançat una peticion titolada « Manten e desvolopament de l'ensenhament de las lengas regionalas al collègi ».
Segonda Jornada Occitanica
Lo CIRDÒC organiza la segonda Jornada professionala del malhum Occitanica lo dijaus 28 de mai dins sos locals a Besièrs. La tematica ne serà « La numerizacion del patrimòni per la transmission de las lengas de França ».
Amassada generala de la Confederacion Calandreta
La Confederacion occitana de las escòlas laïcas Calandretas farà son amassada generala lo 16 de mai al CIRDÒC de Besièrs.
Amassada generala de l'IEO
L'amassada generala de l'IEO se debanarà los 9 e 10 de mai a Monteleimar, al palais dels congrèsses Charles Aznavour.
Prèmi de traduccion en lenga occitana
Letras d'Òc que crea un prèmi de traduccion en lenga occitana. Qu'i podetz participar en enviant la revirada d'ua ficcion en pròsa non francofòna, dirèctament de la lenga d'origina.
Grains of Gold: An Anthology of Occitan Literature
Aqueth obratge en anglés, editat per Francis Boutle Publishers, que presenta la literatura occitana dab ua colleccion de tèxtes amassats per James Thomas, datats deus sègles Xau a uei.
Toponimia de Signa
Dins Toponymie de Signes. Un Territoire et des Hommes ; Le trésor des noms de lieux d’un village provençal, Gerard Tautil restituís lo resultat d'una recèrca collectiva sus la microtoponimia de la comuna de Signa, en Provença.
Expressions et dictons du Périgord-Limousin
Las edicions Christine Bonneton tòrnen editar Expressions et dictons du Périgord-Limousin de Micheu Chapduelh.
Toponymie du pays d'Arles
Toponymie du pays d'Arles, Origine, évolution et signification des noms de lieux de Gilles Fossat es un estudi que conten mai de 200 noms de luòcs dau país d'Arle, abordats dau ponch de vista geografic e tematic.
Dus navèths diccionaris au dicod'Òc
Lo dicod'Òc que perpausa d’ara enlà dus navèths diccionaris : lo Diccionari provençau-francés de l’Escomessa e deu CREO-Provença e lo Petit dictionnaire français-occitan d’Auvergne de C. Omelhièr.
Descobritz la vita e l’òbra deu trobador Arnaut Daniel
Lo site Trobadors d’Aquitània, hèit per l’InÒc Aquitània, qu’a navèras paginas pertocant la vita e l’òbra d’Arnaut Daniel.
Dos documentaris del CIRDÒC sus ÒCtele
ÒCtele, la cadena de television occitana sus Internet, difusa d’aquesta passa dos documentaris realizats e produsits pel CIRDÒC : Jòga ! L’invencion d’un teatre popular contemporanèu e Patrimòni, l’eiretatge d’una civilizacion.
A l’ombra d’un manguièr
Aquel libre amassa las 23 cronicas qu’Aurelian de Chaire escriguèt pendent sièis meses passats en 2014 al Senegal, en çò dels païsans de Casamança, per un projècte de solidaritat e de cooperacion agricòla.
Qui a volé mon patois ? L’épopée scolaire aveyronnaise d’une langue proscrite
Aquel libre de Michel Lafon conta l’istòria de la plaça de l’occitan a l’escòla de 1789 fins a uèi a partir d’exemples avaironeses fòrça precises e los trabalhs d’Henry Mouly, los Seguret, Henri Fournier, Joan Bodon, lo Grelh Roergat, l’IEO…
Lexics francés-occitan del rugbi e del fotbòl
L’IEO, per permetre una reapropriacion de la lenga occitana dins la vida vidanta, ven d’editar dos librets a gratis dedicats al rugbi e al fotbòl, dos espòrts de l’ora d’ara.
Contes de la Calandreta
Letras d’Òc publica aquel recuèlh de racontes agradius tirats de la tradicion populara occitana o d’autres parçans d’Euròpa, amassats per Andrieu Lagarda.
Reedicion de cinc romans policièrs de Florian Vernet
IEO Edicions reedita cinc libres de Florian Vernet dins sa colleccion de romans policièrs « Crimis ».
Lançament del Diccionari general informatizat de la lenga occitana
Lo Congrès ven d'obrir lo trabalh d'un Diccionari general de la lenga occitana. Sa tòca serà a l'encòp de sostenir l'usatge e de respondre als besonhs de coneissença sul lexic occitan. Serà un diccionari en linha, que l'idèa es de ne far un obratge evolutiu.
Collòqui TLRF
La DGLFLF, lo LIMSI-CNRS e ELDA qu’organizèn los 19 e 20 de heurèr a Meudon un collòqui qui avè lo tèma deu desvolopament de las tecnologias tà las lengas regionaus de França.