Navèth site de l'InÒc Aquitània
L'InÒc Aquitània que sòrt de hicar en linha ua navèra version deu son site Internet tà'vs har descobrir o tornar descobrir lo son tribalh.
Ofèrta d'emplec del CFPO Besièrs
Lo CFPO Lengadòc recruta un coordinator de formacion en CDD o CDI de 35 h per setmana.
Los amics del CIRDÒC
L'associacion dels amics del CIRDÒC ven de se crear per acompanhar la mediatèca occitana dins totas sas activitats.
Crida a comunicacions
Los organizators del seminari internacional « Bilingualism vs. monolingualism: a new perspective on limitations to L2 acquisition », que se farà los 19 e 20 de junh de 2017 a Tolosa, fan una crida a comunicacions.
Frédéric Mistral, l'ombre et l'écho
Classiques Garnier publica Frédéric Mistral, l'ombre et l'écho - Aspects de l'œuvre littéraire mistralienne de Joan-Ives Casanova.
30en collòqui FLAREP
Lo 30en collòqui de la FLAREP, sul tèma « Identitat e alteritat. Las lengas regionalas dins l'ensenhament public », se farà del 22 al 24 d'octobre a Montpelhièr.
Formacion a la traduccion
Letras d'Òc e l'associacion AIDO qu'organizan a Bedós (64) deu 1èr dinc au 3 de deceme ua formacion a la traduccion.
Prèmi literari Calandreta 2016-2017
La Calandreta Dagtenca lança la tresena edicion de son prèmi literari. Las classas legiràn los quatre libres seleccionats e elegiràn lo que lor agradan mai.
Études sur la littérature occitane du Moyen-Âge
Gérard Gouiran ven de publicar Études sur la littérature occitane du Moyen-Âge, una seleccion d'estudis sus l'Edat Mejana occitana.
Fablèls calhòls : ofèrta de lançament
Per la dintrada de setembre, Letras d'òc publica una novèla edicion dels Fablèls calhòls d'Antonin Perbòsc, de contes erotics e coquinets inspirats dels Fabliaux.
L'Amassada generau deu Congrès que's hasó lo 25 de mai a Tolosa
L'Amassada generau ordinària deu Congrès permanent de la lenga occitana que's debanè lo 25 de mai passat a l'Ofici public de la lenga occitana a Tolosa.
Jornada professionala « Tractament informatic dels còrpus textuals »
Lo 30 de junh passat lo CIRDÒC organizava, en partenariat amb los laboratòris CLLE-ERSS e RedÒc-LLACS, una jornada professionala sul tèma del tractament informatic dels còrpus textuals dins sos locals a Besièrs.
L’InÒc Aquitània acreditat per l’Unesco
Lo 1èr de junh 2016, a la Seishau session de l’Assemblada generau deus Estats-partidas a la Convencion de l’Unesco tà la Sauveguarda deu Patrimòni culturau immateriau, l’etnopòle InÒc Aquitània qu’estó acreditat tà la soa expertisa e lo son tribalh en lo maine deu Patrimòni culturau immateriau occitan.
Formatatge en TEI de las donadas del Congrès
Dins l'encastre de la fuèlha de rota 2015-2019 pel desvolopament numeric de l'occitan, Lo Congrès es a convertir sas donadas al format TEI (Text Encoding Initiative), un soslengatge del XML (Extensible Markup Language) que permet, mercé a de balisas, d'indicar la natura de cada element d'un tèxte (mot, frasa, morfèma...).
Hitzargiak, cluster sociolingüistic
Hitzargiak qu'ei un projècte qui a per tòca de favorizar la diversitat lingüistica europèa en recensant de practicas « innovantas, adaptadas, escadudas o exemplaras tà la comunautat que las a creadas e tà nombrosas autas comunautats lingüisticas o de parlants ». Que recensa, enter autas causas, la huelha de rota 2015-2019 tau desvolopament numeric occitan.
Codefest
Dens l'encastre deu capdulh europèu de la cultura 2016, Donostia (País Basco) qu'arcuelharà deu 4 au 10 de julhet lo Codefest. Aqueth eveniment que serà un laboratòri d'estiu tà revitalizar las lengas dab ressorsas limitadas en hargant utís eficaç tà la comunicacion electronica e en ensenhant a las comunautats com utilizà'us.
Escòlas e universitats occitanas d'estiu
Coma cada an, l'estiu serà l’ocasion de participar en de rescòntres e d’estagis a l’entorn de la lenga occitana : Escòla occitana d'estiu (EOE), Universitats occitanas d'estiu (UOE), Rescòntres occitans en Provença...
Navèth diccionari occitan gascon-francés
En complement deu diccionari Atau que's ditz, l'associacion Parlem que publica un diccionari de pòcha entitolat Diccionari Occitan-Francés (gascon deras Hautas Pireneas).
La licéncia d'occitan a distància a l'Universitat Tolosa II
L'Universitat Tolosa-Joan Jaurès prepausarà tre l'an que ven la possibilitat de seguir la licéncia d'occitan a distància. A mai, se poirà imbricar amb la licéncia de catalan.
Navèra opcion lenga e cultura occitanas tau Master MEEF a l’ESPE Aquitània
Tà la rentrada 2016, l'ESPE (Escòla superiora deu professorat e de l'educacion) d’Aquitània que prepausarà cors d’occitan (lenga e cultura) dens l’encastre de l’opcion « Mediacions culturaus e patrimoniaus » au sen deu Master 2 MEEF (Métier de l'enseignement, de l'éducation et de la formation) mencion « Practicas e engenheria de la formacion ».
Prèmi Jan Moreu
L'Ofici Public de la Lenga Occitana, Gropament d'Interès Public qu'amassa la Region Aquitània Lemosin Peitau Charantas, la Region Lengadòc-Rosselhon-Miègjorn-Pirenèus e l'Estat, lança lo Prèmi Jan Moreu sus l'innovacion lingüistica.