Los ensenhaires qui's vòlen formar a la lenga occitana en 2017-2018 que pòden demandar dinc a la fin de genèr la borsa « Ensenhar » prepausada per la Region Navèra Aquitània.
La borsa « Ensenhar » qu'a per objectiu d'ajudar los ensenhaires e futurs ensenhaires qui's vòlen formar a l'occitan entà'u poder ensenhar. De 2014 enlà, los ensenhaires monolingües que i pòden postular.
S’ètz en pòste dens l'Acadèmia de Bordèu (prumèr o segond gra) e qu’ajatz un conget de formacion professionau o de reconversion o que siatz inscriuts en ua formacion longa de 6 mes, que podetz presentar la vòsta candidatura dinc a la fin deu mes de genèr.
Lo finançament qu'ei de 4000 € tà ua formacion longa de 6 mes a temps complet o de 9 mes a miei-temps (segond gra).