Un novèl ostal d'edicion en occitan a dobèrt a la prima de 2015, especializat dins la publicacion de libres numerics. Las edicions Caillon-Dorriotz prepausan, entre autres, de romans de sciéncia ficcion e de fantastic, que n'an ja publicat dos.
En l'an 2889 de Jules Verne, revirat per Agustí Farran i Serés, conta la jornada de trabalh de Fritz Napoleon Smith, director del primièr jornal parlat de l'istòria del monde. A travèrs aquel raconte, descobrissèm lo monde de 2889 coma foguèt imaginat en 1889.
Pascal J. Thomàs a el revirat La Maquina a desintegrar d'Arthur Conan Doyle. Lo Professor Challenger, scientific renommat, e Malone, son jove amic jornalista, son mandats en cò d’un inventor per li escriure un rapòrt argumentat sus la valor de sa descobèrta.
Las edicions Caillon-Dorriotz an tanben publicat Escòcia, cap a l'independéncia e Translatio studiorum.