L’IEO, per permetre una reapropriacion de la lenga occitana dins la vida vidanta, ven d’editar dos librets a gratis dedicats al rugbi e al fotbòl, dos espòrts de l’ora d’ara.
En mai del vocabulari especific e de las expressions, cada libret conten un guida de la prononciacion de l’occitan (a partir del lengadocian, amb qualques claus per las autras variantas), una mapa d’Occitània amb l’ensemble dels clubs professionals, e de cançons emblematicas d’Occitània que se cantan dins los estadis.
Aqueles lexics son destinats a èstre editats dins d’autras variantas, o a èstre modificats, per exemple amb de fotografias d’un club o de lògos diferents. D’autres lexics sus d’autres espòrts son tanben previstes.
Ne podètz saber mai sul site de l’IEO.