Viatges, poesia, paisatges naturals e populations… Las sortidas literàrias del mes de febrièr de 2026.
- Las edicions Tròba Vox que publican un recuèlh de poèmas en occitan (revirats en francés) d'Alem Surre Garcia, L'inocéncia infinida dels efemèrs.
Ne saber mai - Ne manquetz pas Un castèth de berlingòts / Un castèu de berlingaus, un conte gascon escrivut per Paulina Kamakine, illustrat e adaptat en provençau per Amy Rouméjon Cros, e publicat per Nosauts de Bigòrra.
Tà'n saber mei - Las edicions Jorn publiquèron en fin d'annada passada lo recuèlh Adotz. Sources, que nos mena dins las piadas de Silvan Chabaud pels carreirons de montanha descobrir aquelas adotz, fonts de poesia e de meditacion.
Ne saber mai - Lo Cap'òc que prepausa un navèth obratge : Au reiaume de las abelhas (en tres versions : gascona, lemosina, lengadociana), arrevirada de l'àlbum Au royaume des abeilles de Fleur Daugey illustrat per Émilie Vanvolsem. Escriut a la faiçon d'un documentari, l'àlbum que permet de descrobrir lo monde de las abelhas.
Tà'n saber mei - Las edicions Letras d'òc publican Cronicas de la pansiroja, cronicas en occitan del país de Volvèstre ont René Soula descriu de tablèus vius de la vida vidanta d’una comunautat rurala al long del sègle XXen. Disponible amb la lectura de las cronicas per l'autor.
Ne saber mai - Las edicions de La Geste prepausan Les troubadours périgourdins, un obratge de Gérard Gonfroy consacrat a l'origina, l'istòria e l'eretatge de 18 trobadors peiregordins.
Ne saber mai - Las edicions de l’IEO venon de publiar Viatges de Joan Ros, un recuèlh de racontes inspirats per las peregrinacions de l’autor en Russia e en Irlanda. Es lo recuèlh que ven completar en trilogia los dos primièrs obratges : Champeiradas (2005) e Ciutats (2008).
Ne saber mai - La edicions Reclams que publican Sul camin del feminisme de Maud Séguier. Enter ensai e manuau, l'obratge que presenta dab sobrietat e simplicitat au còp çò qui ei lo genre (au delà de la biologia) e la situacion de la hemna en França. Un capítol gran qu'ei consacrat a las violéncias qui'us son hèitas, çò qui permet de préner la mesura deu subjècte. Fin finala, l'obratge qu'ei completat per informacions practicas. L'objectiu qu'ei clarament d'ajudar cadun e cadua a avançar cap tà un monde mei equilibrat, mei egalitari.
Tà'n saber mei