Classics arrevirats, istòrias entaus mainats atau com los adultes… Las sortidas literàrias deu mes de mai 2026.
- Las edicions de las Presses universitaires de la Méditerranée publiquèron al mes de febrièr Amour de maire, una revirada inedita de l'òbra teatrala de la felibressa Lazarino de Manosco per Silvan Chabaud.
Ne saber mai - Las edicions de l'IEO prepausan una traduccion de l'òbra d'Oscar Wilde, Lo Fautama de Cantervila, per Pèire Beziat.
Ne saber mai - Lo conte d'Arnold Lobel qu'existeish adara en gascon, Lo Magician de las Colors, dens ua version arrevirada per Karine Bordenave e Patric Guilhemjoan e publicada a las edicions Per Noste.
Tà'n saber mei - Las edicions Novelum - IEO 24 publican lo tresesme tòme de las Cronicas de Vent-l'i-bufa de Joan Ganhaire, cronicas pareigudas i a mai de quaranta ans dins lo bulletin Ventador, publiat a Bordelha. Aquestas cronicas comicas contan la vita de la populacion dau vilatge imaginari de Chantagreu sus Claraiga.
Ne saber mai - Lo Cap’òc qu’a recentament publicat 1, 2, 3, 4, Barabà en lemosin, en lengadocian e en gascon. Qu’ei, un ensemble de 69 comptinas tradicionaus o mei recentas, illustradas e presentadas en fòrma d'aficas A3 e destinadas au cicle 1.
Tà'n saber mei - Las edicions Letras d’òc qu’an publicat au mes de març lo libe-CD Contes misteriós, un recuèlh de contes negres e misterioses collectats en Agenés per Joan-Francés Bladé.
Ne saber mai