Fauna e flòra, fantastic, roman de capa e d'espada, contes, poèmas, benda dessenhada, autobiografia, albums pels mainatges… Totes los genres e formats son representats per las sortidas literàrias dels meses d'agost e setembre de 2025.
- L’associacion Aquí l'òc ven de publicar Lo Blaublu e la Silveta, un obratge poetic de Fèliç Daval dedicat als aucèls de Carladés al fial de las sasons, mièg-contaire, mièg-naturalista :
Ne saber mai - Amédée Albi e Gilbert Cros prepausan Lo Libre. Sus la talvera amb Joan Bodon, un roman grafic a la descobèrta del roman Lo Libre dels grans jorns e de Clarmont d'Auvèrnhe, la vila dins la quala se debana. Un obratge que s’inspira de l'òbra de Joan Bodon e qu’es prepausat per las edicions R-Comics :
Ne saber mai - Las edicions Jorn publiquèron en abril Las abelhas dau silenci, ua edicion bilingüa de 130 poèmas inedits de Max Roqueta, demorats a l'estat manuscrit o publicats pas qu’en revista :
Ne saber mai - Lo raconte autobiografic Las Vias priondas de la memòria de Marcela Delpastre, publicat primièr en 1996, ven d'èsser tornat estampat per las edicions de l'Ostal del libre.
Ne saber mai - Las edicions de la Chambra D'òc prepausan la traduccion en occitan alpin del roman fantastic La Metamòrfosi de Franz Kafka.
Ne saber mai - Las edicions Letras d'òc venon de publicar Contes risolièrs, cresenças e legendas, una garba novèla de 43 tèxtes de tradicion orala inedits (contes, legendas, cresenças), mes en escrich per André Lagarde. Lo libre s'acompanha d'un enregistrament dels 43 tèxtes legits per Alain Vidal.
Ne saber mai - Las edicions Droz que vienen de publicar La Cançon de santa Fe, òbra literària en occitan compausada quauques decennis abans los prumèrs poèmas deus trobadors, dens ua edicion anotada, arrevirada en francés modèrne e introdusida per Valérie Fasseur.
Tà'n saber mei - Las edicions del Grelh Roergàs venon de publicar Los camins de l'exili, segond tòme del roman istoric L'Escudièr de Castèl-Marin de Jacques Regourd, que se debana al sègle XIIIen dins lo comtat de Tolosa.
Ne saber mai - Duas publicacions per las edicions Edite-moi :
- En debuta d'annada : Pití l’escargòl, lo lapinon e lo lop de Sandrine Lhomme en version bilingüa, amb una adaptacion occitana per Martina Prévôt e Anna Maria Caparròs.
Ne saber mai - Peludeta espèra Mininos, obratge bilingüe qu'abòrda la naissença d'un mainatge del ponch de vista del gat de la familha. L'obratge de Muriel Batave-Matton foguèt adaptat en occitan per Martina Prévôt e Daidièr Mir.
Ne saber mai
- En debuta d'annada : Pití l’escargòl, lo lapinon e lo lop de Sandrine Lhomme en version bilingüa, amb una adaptacion occitana per Martina Prévôt e Anna Maria Caparròs.