La DGLFLF e l'AFNOR (Associacion francesa de normalizacion) que sòrten de har paréisher, aqueste 2 d'abriu, ua navèra nòrma d'aplicacion volontària suu clavèr francés.
L'objectiu d'aquera refòrma normativa ? Auherí'ns un clavèr mei ergonomic, adaptat aux navèths usatges, e virat tanben cap au plurilinguisme en préner en compte las lengas regionaus, dont l'occitan.
Après mantua concertacion enter expèrts, universitaris, associacions d'usatgèrs, fabricants e representants deu ministèri de 2015 ençà, que's realizè en 2017 ua enquèsta publica d'endom qui recebó ua participacion hòrta peu demiei deus hialats sociaus.
Fin finala, que son 2 proposicions de clavèrs qui'n gessín:
- l'« Azerty melhorat » : la disposicion ne cambia pas e ne son pas que quauques simbèus e signes qui son mei ergonomics (accents, punt mejan, tilde, arròba, ...)
- lo « Bépo », qui torna fondar complètament la disposicion de las tòcas, mes jutjat lo mei ergonomic, adaptat per mantua lenga latina d'Euròpa e taus programators, ja adoptat per ua comunautat d'adèptes.
Solide, aquestes dus modèles ne remplaçaràn pas lo qui avem dejà : be s'ageish d'ua nòrma volontària, entà'us qui'n hèn la causida. Ua bèra avançada sus un modèle qui èra inspirat sus las maquinas d'esríver deu sègle passat.
Aquiu la video explicativa deu ministèri :