A la fin dau mes d'octobre nos quitet Roland Berland, ancian ensenhaire e autor lemosin fòrça apreciat daus occitanofònes.
Estachat a sa region e a la lenga occitana, transmetet e escriguet aquesta emb una granda sensibilitat. Daissa darrier eu un fum de textes (romans, peças de teatre, recuelh umoristic...) e tanben daus enregistraments sonòres que faguet per lo site chanson-limousine.net.
Fuguet un obrier important de la transmission de l'occitan, e Lo Congrès adreça uei totas sas condolenças a sa familha, sos amics e sos collegas.