Carole Delga, presidenta de la Region Occitania, a escrich al Primièr Ministre per demandar un emendament de la reforma del licèu e del bachelierat.
S'adreça al Primièr Ministre après dos ans de « requèstas al prèp del Ministre de l'Educacion [que] son demoradas sens resultats ». Dins sa letra, fa part de sa preocupacion fàcia a la casuda rapida del nombre d'escolans d'occitan al licèu après la reforma.
I demanda l'alinhament de las lengas regionalas sus l'estatut de las lengas e culturas de l'Antiquitat e un estatut autonòme de l'ensenhament d'especialitat coma « primièra mesura ». Prepausa tanben d'èstre associada a la reflexion sul plan « lengas vivas estrangièras » que lo Ministèri de l'Educacion nacionala es a metre en òbra.