Lo dicod'Òc que perpausa d’ara enlà dus navèths diccionaris : lo Diccionari provençau-francés de l’Escomessa e deu CREO-Provença e lo Petit dictionnaire français-occitan d’Auvergne de C. Omelhièr.
Que son quasi 7 000 entradas tau sens francés-occitan, e mei de 37 000 tau sens occitan-francés qui son hornidas au vòste multidiccionari. Lo Congrès que n’a profieitat tà tornar pensar aqueth utís entà'u har mei ergonomic e mei performant.
Lo dicod'Òc qu’a per objectiu d’amassar en ua aplicacion unica ua seleccion d’utís de referéncia en mestior de lexicografia occitana. Qu’a adara 15 diccionaris qui tractan cinc variantas, e que seré de plan que tractèsse a tèrmi tota la realitat lingüistica occitana.
Que mercejam plan los autors e editors d'aqueths diccionaris qui an plan comprés l'enjòc e donat las autorizacions. Los diccionaris que's pòden crompar aquí : Petit dictionnaire français-occitan d’Auvergne, Diccionari provençau-francés.