L'Institut Català dels Empreses Culturals a lançat una crida a candidaturas per de subvencions destinadas a l'edicion en catalan e en occitan.
Aquel dispositiu d'ajuda a per mira de sostenir la publicacion de libres en catalan o en occitan per tal de garantir la produccion e la diversitat editoriala dins aquelas lengas. Las entrepresas e las entitats editorialas privadas a tòca non lucrativa son eligiblas. Lo periòde de publicacion dels obratges s'espandís del 1èr de novembre de 2025 al 31 d'octobre de 2026. Per èsser eligibles, los ostals d'edicion devon aver publicat almens sièis títols en catalan o en occitan, o dètz títols totas lengas confondudas, pendent l'annada precedissent l'autreg de la subvencion. Per las entrepresas novèlament creadas, aquel nombre de títols s'aplica a l'annada de l'autreg de la subvencion.
L'envolopa globala es de 2 000 000 d'euros e los delais de depaus dels dossièrs son los seguents : fins al 1èr de julhet pels obratges publicats entre lo 1èr de novembre de 2025 e lo 31 de mai de 2026 ; e del 15 de setembre al 3 de novembre per aqueles publicats entre lo 1èr de junh e lo 31 d'octobre de 2026.
Lo montant de la subvencion correspond a 50 % del còst eligible de l'obratge fasent l'objècte de la demanda, dins lo limit d'un plafon de 5 000 euros.
Son eligibles los fraisses seguents : relectura ; impression e religadura ; papièr ; concepcion de la cobèrta (design, illustracion, fotografia e mesa en pagina finala) ; còstas d'illustracion e de cartografia ; reproduccion de fotografias ; dreches d'autor ; mesa en pagina ; e còstas d'adaptacion dels tèxtes al sistèma « Facil de legir ».