Jugar a un juèc vidèo en occitan ? Quò se pòt far !
Stardew Valley es un juèc independent de ròtle e de simulacion agricòla creat per Eric Barone e surtit en 2016. Aguèt lèu dau succès, e mai contunha de'n aver.
Se pòt aura jugar en occitan, dins una version que se 'pèla "Vau Serena" ! Quò es gratuit, per tots quilhs e quelas qu'an lo juèc originau (sus PC Windows, Mac, Linux o enquera Android).
Vau Serena perpausa de descrubir o tornar descrubir lo juèc en occitan dau Perigòrd. E las mecanicas d'agricultura, d'elevatge, socialas, las reflexions sus lo temps, la natura, prenen còpsec una autra dimension !
Ne'n voletz saber mai sus queu projècte ? Clicatz qui dejós per legir lo dossièr de presentacion que n'a fach son traductor, lo Danís Chapduèlh : https://vauserena.chaduei.com/