La Passem, la corsa relai per l’occitan, passarà per Tarn los 23 e 24 de mai de 2025.
La Passem ! es una corsa que ja se ten dempuèi 2018 a an passat pel territòri occitan de Gasconha (Bearn, Bigòrra, Comenge, Bas-Ador, Lanas e Gèrs) e qu'a per tòca de promòure la lenga e la cultura occitanas jos totas sas formas.
Aqueste mes de mai, partirà de Sant Somplesi e se debanarà sus 230 quilomètres, en passant per Castras, e l'arribada se farà a Albi.
La corsa es organizada dins aquel departament per l'associacion Ligams Tarn, creada en abril de 2024.
La corsa servís tanben a reculhir de fonzes per de projèctes ligats a la transmission e la valorizacion de la lenga occitana : per aquò, totòm (particulars, institucions, associacions) pòt crompar un o mantun quilomètre de la corsa. Es tanben possible de se gropar.
Cada crompaire a la possibilitat de se posicionar per portar o far portar lo ligam (lo relai) del quilomètre crompat pendent la corsa (en defòra de d'unes quilomètres reservats a las escòlas). Pòt tanben daissar un messatge promocional que serà legit per l'animator pendent la corsa o sus las rets socialas.
- Podètz d'ara endavant crompar de quilomètres per sostenir l'eveniment : https://www.helloasso.com/associations/ligams-tarn/boutiques/crompas-de-km-la-passem-tarn-2025-achat-de-km-la-passem-tarn-2025
Serà tanben l'escasença de menar plan d'animacions culturalas tot lo long del percors, organizadas pels actors locals (associacions, establiments escolars, …).
Es tanben possible de prepausar son ajuda al prèp de la Passem coma benevòl.