Entà har vius los vòstes eveniments e accions de mediacion multilingües, n’esitetz pas a’us méter en votz !
Que s’ei acabada la sason de l’espectacle Lo Passat Recompausat per l’associacion Mosaïque au castèth Gramont de Bidaishe, l’estiu qu’abondè de tornars positius au subjècte deus cascos audio qui permetèn d’assistir a l’espectacle en mei d’ua lenga mercés a un acompanhament deu Congrès en l’encastre de l’auhèrta de servici de traduccion.
Que’s balhèn 106 cascos en tot tà l'euskara e l'occitan, deus quaus 61 tà l'occitan gascon.
Los utilizators qu’èran encantats d’aquesta iniciativa d’immersion dens la lenga ce sembla, e qu’an tanben soslinhat la qualitat d’aqueths contenguts realizats per comedians locaus au demiei deus quaus collegians. L’operacion que deuré tornar tà l’estiu 2026 !
Qu’esperam que l’escaduda d’aqueth eveniment e harà petits, e taus petits budgèts, non desbrombetz la possibilitat d’utilizar Votz entà vocalizar los tèxtes au parat de las vòstas animacions.
Qu’ei çò qui hasó per exemple Senta Coloma en Vath d'Aussau, qui utilizè lo noste utís de sintèsi vocau entaus sons audioguidas, non premiatz de consultar lo resultat ací.
