Letra de ligason :

Sélectionnez votre langue

Ligams - La Passem

Mercés a la moneda collectada pendent la prumèra edicion de La Passem, l'associacion Ligams qu'avia un aperet a projèctes collectius tà la transmission e la valorizacion de l'occitan.

Aqueth aperet qu'a l’objectiu de facilitar l'emergéncia e/o l'experimentacion d'accions navèras, d'activitats qui responen a l'objectiu de transméter la lenga ; de sostiéner lo desvelopament, l'estructuracion  e  la  consolidacion  de  las  accions  en  direccion  de  la transmission e/o de la valorizacion de la lenga ; de favorizar la mesa en hialat, valorizar e ahortir lo  tribalh de partenariat, lo tribalh en comun deus diferents actors.

Que son 40 000 euros qui seràn partatjats entre los candidats retienuts, qui deven estar associacions depausadas e entrepresas de but non lucratiu. Los projèctes qu’an de beneficiar au mensh a las personas qui demoran en Bearn e Baish Ador.

Que podetz enviar dossièrs de candidatura dinc au 8 d'octobre de 2018.