La compausanta LLACS/REDOC de l'Universitat Paul Valery de Montpelhièr e lo CIRDÒC venon de realizar un diccionari biografic en linha dedicat als actors dels movements occitans.
Aquel otís dona accès a las biografias e a un estudi sus l'engatjament de las personas, conegudas o pas, qu'an obrat per la reconeissença de la lenga e la cultura occitanas dempuèi lo sègle XIX. I podètz ja consultar las primièras bibliografias : Pierre-Louis Berthaud, Lydie Wilson de Ricard, Louis Rouquier, Ismaël Girard.
Vidas es en linha al dintre de la mediatèca numerica Occitanica.