Lo numèro 99 de la revista de sociolingüistica Lengas es d'ara enlà en linha sul sit OpenEdition. La tematica d'aquel numèro de 2026 es Pensar la vulnerabilitat dins l'espaci romanic / Politicas, practicas e transmission lingüisticas.
Aquel numèro se compausa de doas partidas.
La primièra pren la forma d'un espaci d'escambi e de reflexion a l'entorn de la nocion de vulnerabilitat sociolingüistica dins l'espaci romanic. Las contribucions abòrdan de questions ligadas a la categorizacion de las lengas vulnerablas, a las dinamicas d'usatge, als micro-actes glottopolitics (dins de contèxtes de resisténcia e de revindicacion lingüistica), o encara a las ideologias sociolingüisticas eissidas de procediments istorics tals coma lo colonialisme.
La segonda partida amassa quatre contribucions consacradas a las formas d'intervencion, de transmission e de valorizacion de las lengas, en partir de contèxtes variats (Bretanha, País Basc, periòde revolucionari e Sud-Kivu). Interrògan las politicas lingüisticas, las practicas d'aprendissatge e de promocion, aital coma las modalitats novèlas de transmission, per exemple dins los espacis numerics.