Lo numèro 98 de la revista de sociolingüistica Lengas es d'ara enlà en linha sul sit OpenEdition. La tematica d'aquel numèro de 2026 es Dinamicas contemporanèas al caireforc dels espacis simbolics e viscuts.
Aquel numèro, que pren la forma d’un dossièr tematic consacrat a la sociolingüistica e a la dialectologia, se prepausa de perlongar las reflexions engatjadas pendent lo collòqui La lenga e la cultura occitanas al caireforc de las societats, organizat pels Joves Cercaires en Domeni Occitan de l'Associacion Internacionala d'Estudis Occitans, a l'Universitat Pau Valèri de Montpelhièr en junh de 2025.
Aquel collòqui a tanben fach l'objècte d'un autre perlongament, consacrat als estudis medievals, pel tòm CXXX, n° 2 (2026) de la Revue des Langues Romanes.