Dab la participacion de la DGLFLF (Delegacion generau a la lenga francesa e a las lengas de França - ministèri de la Cultura e de la Comunicacion) e deu Caireforc cultural Naut Bernat de Tolosa, que sòrt de paréisher Les langues-cultures moteurs de démocratie et de développement, a las Éditions du croquant, un obratge collectiu coordenat per Martine Boudet.
Aqueste obratge que vòu hicar en perspectiva espiars deu monde scientific (que sia de lingüistica, antropologia o enqüèra sociologia istorica) capvath las mutacions deu monde actuau, en particular las crisis identitàrias en un monde mondializat, e quin las fòrmas d’organizacion mei territorializadas apòrtan solucions navèras en mestior de ciutadanetat e de democracia.
Au demiei deus autors, que podem citar a Giovanni Agresti, especialista de literatura occitana, Philippe Blanchet, especialista deu provençau, Martine Boudet, especialista d’antropologia culturau, Gilbert Dalgalian, especialista deu plurilingüisme, Gaid Evenou, encargada de mission a la DGLFLF, Giovanni Poggeschi, especialista de l’estatut de las lengas europèas, Claude Sicre, president deu Caireforc Cultural Naut Bernat de Tolosa.