Lo 26 de heurèr a 18 h, au Parvis (espaci culturau deu centre comerciau E. Leclerc), Joan Breç Brana, Sèrgi Javaloyès, Joan-Luc Landi, Maurici Romieu que'vs haràn descobrir l'istòria d'aqueth diccionari e las colissas deu lor tribalh.
Lo Diccionari deu Biarnés e Gascon modèrnes, hargat pendent las annadas 1930 devath la direccion deu Simin Palay, qu'ei un obratge magnific deu patrimòni regionau chafrat "lo Tesaur gascon" per l'istorian Charles Samaran. Testimòni deu passat noste, que i caben mei de 70 000 mots dab las soas significacions, las locucions adverbiaus, los arreproèrs e dits, e mei enlà, que descriu las tradicions ancestraus bearnesas e gasconas.
Las Edicions Reclams e lo Congrès permanent de la lenga occitana que perpausan ua navèra edicion, revisada e corregida per Éric Gonzalès, Sèrgi Javaloyès, Joan-Luc Landi e Maurici Romieu.
Per òrdi, d'esquèrra a dreta e de haut a baish :
- Sèrgi Javaloyès, autor, cap-redactor de la revista Reclams,
- Maurici Romieu, Mèste de conferéncia emerit a l'UPPA, lingüista e autor, President de las edicions & revista Reclams
- Joan Luc Landi, regent, autor
- Joan Breç Brana, responsable deu pòle Lenga e Societat, lo Congrès permanent de la lenga occitana