Sèrgi Gairal lança una soscripcion per un recuèlh de mots crosats en occitan. L'obratge prepausarà 200 grasilhas classicas o en forma de crotz occitana.
La tòca primièra d'aquela òbra es pedagogica, e a la debuta del libre, l'autor presenta una tièra d'activitats oralas o escritas que se pòdon far a partir d'una grasilha. Las grasilhas tematicas permeton per exemple d'aprigondir un camp lexical. D'autras tiran lor vocabulari d'òbras literàrias de vint autors occitans.
Mots crosats d'Òc còsta 10 € (e 2 € de pòrt) en soscripcion fins al 31 d'octobre. Serà puèi vendut 12 €. Serà editat en cò del Grelh Roergàs.