Les mots des occitans de Michel Piquemal, publicat a las Edicions del Cabardés, es un obratge de 68 paginas illustrat que fa omenatge a la lenga occitana.
D'efièit, mòstra lo biais que l'occitan e lo francés an collaborat per far del francés d'Occitània un parlar tan colorat. Explica l'origina de mots coma « fada », « barjaquer » o encara « cagnas ».
La vèrbia de l'autor besierenc, ajustada a las illustracions de Nathalie Louveau, fan d'aquel libre un obratge per totes los publics. Lo podètz comandar sul site de l'editor.