Lambert-Lucas publica aquela colleccion de tèxtes de Felip Martel, amassats e presentats per Maria-Joana Verny e Yan Lespoux.
Los occitans an una istòria ? Una istòria que lor siá pròpria e que, en los associant la màger part del temps als autres franceses, mòstra çaquelà d'especificitats que los ne destria ? A semblat a Felip Martel qu'èra una question pro importanta per qu'i consacre d'unas publicacions dempuèi un quarantenat d'annadas.
Études de langue et d’histoire occitanes prepausa una causida representativa d'unes aspèctes de son caminament scientific. Qu'i trobam d'articles d'istòria medievala o contemporanèa, una reflexion sus l'eiretatge dels istorians del « Miègjorn » o encara qualques tèxtes sus de subjèctes divèrses.