Complète eth diccionari catalan-aranés e amassa somen apròp de 70 000 entrades.
Nau diccionari aranés-catalan
Er Institut d’Estudis Aranesi ven de publicar eth diccionari aranés catalan. Òbra de Jusèp Loís Sans Socasau, president deth madeish Institut, que complète eth projècte lexicografic bilingüe entre er occitan aranés e eth catalan, iniciat damb er anterior diccionari catalan-aranés, publicat en 2021. Eth nau obratge compde damb mès de 30 000 entrades, e er ensems dera òbra lexicografica some apròp de 70 000 entrades.
Toti dus diccionaris, catalan-aranés e aranés-catalan, meten en relacion dirècta es dues lengües pròpries en Catalonha, eth catalan e er occitan d’Aran. Ath madeish temps ei ua referéncia lingüistica basica longtemps demorada, tant pes ciutadans en generau coma, mès que mès, pes professionaus dera traduccion e dera interpretacion. Qu’ei tanben ua aisina importanta entà professionaus de diferenti encastres coma eth culturau, er educatiu, er institucionau o es mieis de comunicacion, que sentien eth besonh de disposar d’ua òbra dera amplor e dera estenduda d’aguest diccionari.
Damb era publicacion deth diccionari aranés-catalan, ath costat dera edicion des diccionaris catalan-aranés, e dera edicion deth diccionari normatiu aranés, deth madeish Institut d’Estudis Aranesi, publicat tanben en linha per Enciclopèdia Catalana, s'assolide un prumèr plan de tractament e recorsi lexicografics der aranés, varianta dera lengua occitana en Catalonha.