Letra de ligason :

Sélectionnez votre langue

Actualitats

Lo Congrès permanent de la lenga occitan e la Confederacion Calandreta son partenaris de las edicions GRAND Petit monde per l'edicion de l’obratge En camin per la region Occitània.

En camin per la region Occitània, Lanuéjols : GRAND Petit Monde, 2026, 48p.

« Coneisses plan la region Occitània ? Dins aquel libre, descobrís los tresaurs nombroses d'aquel territòri. Aquelas meravilhas de natura e de cultura t'inspiran de visitas futuras en familha e representan d'ancoratges per te situar geograficament dins ton luòc de vida. De las montanhas dels Pirenèus a la mar Mediterranèa, del Canal del Miègjorn a la val d'Òlt, del platèl d'Aubrac a las Cevenas… es partit per l'aventura, en occitan !

• L'istòria Virada dins la region Occitània amb Guilhèm e Joana. 
• Lo documentari amb de coneissenças suls departaments de la region, los paisatges, los animals e las plantas, las especialitats culinàrias e los espòrts d'aicí.

Parli occitan es una novèla colleccion bilingua (occitan lengadocian/francés) de libres documentaris sus de grandas tematicas en ligam amb los programas escolars dels cicles 1 e 2.

• Una istòria per dintrar dins lo subjècte.
• De coneissenças documentàrias.
• De lexics. »

Lo Congrès, que participèt ja als Cahiers d’activités de l’occitan de las meteissas edicions, a per aquel obratge mes a disposicion sos espleches numerics, sustot la sintèsi vocala Votz per la creacion dels fichièrs sons.