Amb 119 000 intradas, s’agís de la 2na edicion corregida e enriquida.
Aquesta edicion es completada per 2 volums : Introduccion a la lexicografia occitana e Correccions al diccionari d'Alibèrt (Pòdon pas èsser venduts a part).
DESCRIPCION :
Fruch de meses e d’annadas de trabalh, aqueste diccionari recampa fòrmas centralas e variantas del lengadocian tant eiretat coma modèrne, en abordant totes los camps lexicals (scientific, literari, tecnologic, economic, etc.), per respondre a totes los publics en demanda d’una lenga mai normada, segon lo nivèl de sos escriches.
Lo diccionari limitat a l’ortografia e la gramatica de 119 000 intradas, las alternanças vocalicas dels vèrbes, la formacion dels derivats, intègra totas las preconizacions del Conselh de la Lenga Occitana e s’apièja mai generalament sus las solucions panromanicas en matèria de neologismes e de terminologia. Ten tanben los noms pròpris : noms de païses, regions, flumes, mars, montanhas, vilas principalas e noms de sos abitants, prenoms e diminutius, personatges e eròis de l’Antiquitat. L’obratge es completat per una importanta Introduccion a la lexicografia occitana, que detalha abondosament los problèmas rescontrats per sa redaccion e d’una lista de Correccions al diccionari d’Alibèrt. Serà donc tanben util als autres dialèctes per la partida metodologia e terminologia, e segur per tot lo lexic pandialectal.