Explicacion dels noms de las carrièras e plaças del Vau (Var).
Abitant Lo Vau dempuèi 25 ans, Reinat Toscano a consacrat un obratge als panèls de carrièras. Dins aqueste, remonta lo temps e explica perqué carrièras e camins pòrtan lor nom.
"Qual s'a pas jamai demandat, en vesent lo nom d'una carrièra, d'una plaça, quala èra sa significacion ? Segur, quand s'agís de la Carrièra Victor Hugo o de la Plaça del 8 de Mai de 1945, aquò pausa pas cap de problèma. Mas dins d'autres cases, per de personas mens conegudas o per de noms qu'an pogut evoluar al fil dels sègles, pòt èsser interessant d'aver una explicacion.
Pòt èsser bon tanben de balhar las ancianas denominacions, testimònis de l'evolucion del vilatge."
Dins lo present obratge, que l'autor a redigit amb l'ajuda dels escolans del cors d'occitan balhat al Vau dempuèi de nombrosas annadas dins l'encastre de las activitats de l'Institut d'Estudis Occitans, es tanben precisat per cada denominacion l'equivalent en occitan provençal.