Las proposicions de comunicacion que son obèrtas entau Collòqui Internacionau RECLAM, dedicat a las lengas minorizadas, qui's tienerà deu 17 au 19 de noveme 2025 a Bordèu.
Lo Collectiu RECLAM (Reconeishença e Categorizacion de las Lengas Minor(iz)adas) que’s compausa de sheis joens cercairas de l'Universitat Bordèu Montaigne (UBM) e de l'Universitat de São Paulo (USP) a Brasiu, dab lo supòrt deus lors directors de recèrca :
- Giovanni AGRESTI, Professor de las Universitats en Sciéncias deu Lengatge a l'Universitat Bordèu Montaigne (França) e Mèste de Conferéncias en Lingüistica, Lenga e Traduccion – Lenga francesa a l'Universitat Federico II de Nàpols (Itàlia).
- Valdir Heitor BARZOTTO, Professor de las Universitats – Titulari e Vicedirector de l'Universitat d'Educacion de São Paulo (Brasiu).
Entà har seguida a un prumèr workshop preparatòri franco-brasilèr qui s'ei debanat los 21 e 22 de genèr 2025 a Bordèu, pensat com un laboratòri de reflexion a l'entorn de las practicas de recèrca e de comunicacion scientifica, lo Collòqui Internacionau RECLAM (17-18-19 de noveme 2025, Bordèu) que prepausarà tres grans èishs de reflexion (categorizacion / transmission / epistemologia) :
- Categorizacion de las lengas minor(iz)adas
- Transmission de las lengas minor(iz)adas
- Part epistemologica : las lengas minor(iz)adas e la produccion scientifica
La data limita de mandadís de las comunicacions qu'ei fixada au 27 d'abriu de 2025, e la data de responsa d'acceptacion a la mieitat de junh 2025.