Alfà-Bestiari es un recuèlh de 130 poèmas novèls d’Alan Roch en occitan, amb la participacion de 200 animals, dels mai pichons (micròbi, paramecia,…) als mai gròsses (dinosaure, elefant,…), d’aicí e d’endacòm mai.
Dins d’estiles e biaisses diferents (de la frasa al mini-conte), l’autor partís en cèrca de l’agach ironic que las bèstias pòdon portar suls umans e afirma la necessitat de viure en bona armonia dins lo respècte de Dòna Natura.
Lo libre, 70 p. : 10 €.
Se pòt comandar a : IEO-Aude BP 51042 11860-Carcassona Cedex (ajustar 2 € de mandadís).
Las illustracions (cobèrta e dessenhs) son d’Elodia Saulnier (IEO-OPM).
Lo libre pren plaça dins la colleccion Vendémias de l’IEO-Aude.