Fauna e flòra, toponimia, umor filosofic, aprendissatge de las lengas…las novetats literàrias d'aquel mes de julhet de 2024.
- Las edicions Reclams que vienen de publicar un navèth obratge entaus mainats : L'ors e las sasons d'Eva Cassagnet, un libe poetic consacrat a la natura, a las sasons e a las bèstias.
→ Tà'n saber mei - Las edicions Letras d'òc venon de publicar una novèla version del roman Sinèra d'Andrieu Lagarda, sortit l'an passat, acompanhada per un disc de 50 capitols enregistrats per Alan Vidal.
→ Ne saber mai - Lo 5en numèro de la Revista Lengas ven de paréisser. Dirigit per Sylvan Chabaud e Marie-jeanne Verny, a per tematic La lenga d'òc en scèna. Levar de ridèu sus lo teatre en lengas de França.
→ Ne saber mai - L'IEO d'Aude (11) a publicat al mes d'abril Vèrses Ortalans d'Alan Roch, obratge poetic dedicat a la botanica.
→ Ne saber mai - L'obratge de recèrca L'empremta occitana en la història dels valencians a través dels cognoms, menat per Josep Saborit e Emili Casanova e paregut en 2024 a las edicions Editorial Denes, es lo fruch de la jornada organizada a la facultat de filologia, traduccion e comunicacion de l'universitat de Valéncia, sus l'influéncia occitana a Valéncia, pels noms de familha.
→ Ne saber mai - Dins De sants, d’àngels...e de brave mond que passavan pr’aquí, publicat al mes d'abril per IEO Edicions, Miquèl Deit prepausa un agach uman e umoristic sus d'unes personatges importants del Novèl Testament, acompanhat de tèxtes de reflexion filosofics e folastres.
→ Ne saber mai - Las edicions Per Noste que vienen de publicar lo purmèr tòme d'un navèth metòde d'ensenhament deu gascon, Ça-i dab jo !. Aqueth qu'ei adaptat entaus collegians e liceans autan debutants com en cursus bilingües, e tanben entaus cors taus adultes.
La crompa deu manuau per cada aprenent que balha l’accès a las ressorças en linha suu site pendent un an (accès qui’s poderà renovelar). De notar que la partida interactiva ne serà pas foncionau sonque a comptar deu 10 d'aost.
→ Tà'n saber mei - Lo Manuel de linguistique occitane que hè lo volume 35 de la seria Manuals of Romance Linguistics (ed. De Gruyter) qui presenta un apercebut sancèr e a la punta de la lingüistica romanica, dont las recèrcas mei recentas, ací doncas tà l’occitan. L'obratge qu'ei dirigit per Louise Esher e Jean Sibille.
→ Tà'n saber mei - Amb Canso (ed. Au Diable Vauvert), Félix Jousserand, cançonièr experimental, s'acompanha del guitarrista Gilles Coronado e del bateire Christophe Lavergne, per se reapropriar l'epopèa cantada medievala de la Cançon de la Crosada albigesa, poèma occitan del sègle XIIIen.
→ Ne saber mai