Poesia, recuelhs cantats entaus mainatges e adultes, bèstias miticas… Las sortidas literàrias deu mes de julhet de 2026.
- En junh 2025 Estelle Galin Harris que publicava lo recuelh Cants tradicionaus en Coserans, tribalh de recèrca e retranscripcion deus cants amassats en Coserans. Lo recuelh de 300 paginas que compren un classament deus cants per tèmas e las retranscripcions que reprenen mei d'ua enquèsta miada deu sègle 19au a uei lo dia.
https://libraria.latutadoc.com/ - Las edicions Jorn publican lo recuèlh Lo Maucòr de l'unicòrn / Le Tourment de la licorne de Max Roqueta. Sortit inicialament en 1988, aquel recuèlh en vèrs regropa de poèmas escriches après la guèrra. Version francesa de l'autor.
http://www.editions-jorn.com/livre-unicorn-rouquette.html - Las edicions E...rau ! prepausan La Baragonha de Sant Cristòu, un album illustrat per Médor Ujer e Gérard Garcia per presentar l'animal totemic del meteis nom.
Coproduccion Les amis de la Baragogne, Commune Entre-Vignes, CIRDOC-Institut occitan de cultura, Fédération Totemic.
https://ieo-erau.com/botiga/la-baragonha-de-sant-cristou/ - Las edicions Letras d'òc publican Dieusses primièrs, un dels darrièrs tèxtes poetics de l'Ives Roqueta, consacrat a las pèiras levadas masculinas e femeninas de Roergue e de Lengadòc Naut. Tèxt occitan e version francesa de l'autor.
https://www.letrasdoc.org/oc/catalogue/dieusses-primiers/ - Lo Cap’òc met a disposicion son recuèlh de comptinas, jòcs cantats e dançats e devinalhas Per dire, cantar e jogar paregut en 2008. Los tèxtes e fichièrs audio son telecargables en linha.
https://www.capoc.fr/ressorcas/ressorsa/per-dire-cantar-e-jogar - Lo numèro 98 de la revista de sociolingüistica Lengas es d'ara enlà en linha sul sit OpenEdition. La tematica d'aquel numèro de 2026 es Dinamicas contemporanèas al caireforc dels espacis simbolics e viscuts.
https://journals.openedition.org/lengas/ - L'Associacion per l'Ensenhament de la Lenga d'òc ven de publicar lo Vocabulaire Fondamental du Provençal Contemporain, jos la direccion de Roland Boyer e Alain Barthélémy-Vigouroux.
https://boutique.aeloc.fr/index.php?id_product=68&controller=product - Patrice Poujade prepausa una edicion novèla de son obratge Diccionari toponimic d'Arièja, publicat a las edicions IEO Arièja.
https://www.helloasso.com/associations/ieo-arieja/boutiques/alman-oc-2022