Romans, istòrias de vita, enriquiment de la lenga… Las sortidas literàrias deu mes de març de 2026.
- Las edicions Letras d'òc prepausan Qu’es aquò, qu’es aquò ?, mei de 200 devinalhas per Andrieu Lagarda, per se divertir mas tanben per aprene la lenga. Edicion bilingüa occitan/francés.
Ne saber mai - Moments de Jan Bonnemason qu'ei un recuèlh de poèmas en gascon bearnés deu Vic Vilh prepausat per las edicions Nosauts de Bigòrra.
Tà'n saber mei - Las edicions de l'IEO prepausan dus obratges :
- L’arqueta del divenc Marqués de Joan-Claudi Sèrras, un roman policièr que la trama n’es la descobèrta supausada d’un manuscrit desconegut del marqués de Sade, escrit en occitan provençal.
Ne saber mai - País negat, roman de Bernadeta Romieu qu'a per personatge principal un jovent nascut en Aubrac e que torna de la guèrra d’Argeria.
Ne saber mai
- L’arqueta del divenc Marqués de Joan-Claudi Sèrras, un roman policièr que la trama n’es la descobèrta supausada d’un manuscrit desconegut del marqués de Sade, escrit en occitan provençal.
- Las edicions Per Noste que prepausan Ourika, arrevirada de l'obratge de Claire de Duras per Elisa Harrer. Aqueste raconte pareishut en 1823, inspirat per ua istòria vertadèra, que hica en scèna la purmèra eròia Negra de la literatura francesa.
Tà'n saber mei - Las edicions Novelum venen de publicar lo tòme 2 de Flors salvatjas de Perigòrd per Joan-loís Orazio que met en valor la riquesa botanica e la diversitat lingüistica de Perigòrd. Es consacrat a las Asteracèas, l'una de las familhas mai grandas e mai variadas del regne vegetal.
Ne saber mai