Sciéncia-ficcion, inventaris de la fauna e de la flòra occitanas, poesia, gramatica… Las nautats literàrias deu mes d'abriu 2025.
- Las edicions Reclams que vienen de publicar un roman navèth, Tempèsta d'enlà per La Musnegra, peu quau l'intriga e's plaça en lo Pic de Mieidia. Que s'i parla d'astrofisica au parat de fenomèns estranhs.
Ne saber mei - La soscripcion per l'obratge novèl de Fèliç Daval, Lo Blaublu e la Silveta, es possibla fins al 2 de mai per l'associacion Aquí L'Òc. L'obratge poetic serà consacrat a la vida dels aucèls que pòblan los valons de Cantal.
Ne saber mai - Emb Flors salvatjas de Perigòrd, paregut a Novelum, Joan-Loís Orazio nos convida a rencontrar las flors salvatjas, omnipresentas e pasmens mesconegudas. Aqueu primièr tòme ne presenta desjà 8 familhas.
Ne saber mai - La Lenga del trobar : Precís de gramatica de l’occitan ancian de Maurici Romieu e Andrieu Bianchi qu'ei un còp mei disponibla dens ua version – la quatau – revista e aumentada d'ua partida importanta consacrada a la fonetica istorica (M. Romieu). Publicada per las Presses universitaires de Bordeaux, que demora l'apèr de tribalh indispensable entà abordar l'estudi de la lenga de l’Edat mejana (trobadors ; etc.).
Ne saber mei - Matilda Hière-Susbielles que vien de publicar un obratge poetic a las edicions Per Noste, Arrais de sauneis :
Ne saber mei - Lo darrier numerò de Paraulas de Novelum es ‘ribat. Au somari : daus articles sus la lenga, la cultura e la vita d’aquí. La revista pareis quatre còps per an :
Ne saber mai