Plega de Nadal (pròsa), joenessa, contes, societat e hèra de natura tad aqueste mes :
- IEO-IDECO : Plega de Nadal : La Nassa - Enquestas a la lesta - Vint jorns au bot de l’Antropocèn - Bóstias : Lo Sòmi d’Ipocrates e autras istòrias de Bóstias, de Miquèu ARNAUD - Joan GANHAIRE - Joan-Claudi PUECH - Joan-Claudi SÈRRAS, respectivament.
La collection A Tots, dedicada a la pròsa occitana contemporanèia, festeja ujan sos 50 ans d’existéncia. L’IEO-Edicions presenta per Nadau una segonda plega 2023, un ensemble de 4 libres noveus en soscripcion.
- Erau Edicions : D’aucèls e d’òmes, de Joan-Loís SEGONDY
Amoroses de la lenga occitana, apassionats d’ornitologia, de l’origina dels mots e dels noms vernaculars, aqueste libre es fach per vautres.
- Per Noste : Lo dequerò, de Stéphane Servant & Cécile Bonbon
Un dia, au ras deu gran lac, Titon l’elefant qu’amassa un dequerò estranh…
- Édite-moi : Lo caval de la Viguièra / Le cheval de la Viguière, de Joan Loís Cortial
Es l'istòria d'una femna que perturba l'equilibri immutable d'una societat patriarcala.
- Novelum : Nisals en folia, de Joan-Pau Blot
Dins lo libre de racontes que pareis uèi, l’autor nos convida a una passejada dins lo temps, en daissant córrer son imaginacion, en tot rencontrar, de còps que i a, d’eveniments vertadièrs del passat o del present.