Los quatrens rencontres dels parlars del Creissent se tendràn a Sant-Amand-de-Boixe, Charenta, França, los 13, 14 e 15 de setembre de 2024.
Seràn presas en consideracion totas las proposicions de comunicacion pertocant los parlars del Creissent (varietats mixtas galloromanicas tradicionalament practicadas dins lo Creissent lingüistic, al centre de França) aital coma :
- los parlars romanics en contacte amb de varietats del Creissent (occitan auvernhat e lemosin, peitavin-santongés, berrichon, borbonés d'oïl, francoprovençal) o aqueles parlats a proximitat de la zòna del Creissent e presentant de ponches comuns amb los parlars del Creissent. Los participants son particularamant encoratjats a prepausar de comunicacions sus las comunas o las comunautats bilinguas (o bivarietalas) ;
- lo francés regional practicat dins l'aira lingüistica creissentina ;
- d'autras disciplinas de las sciéncias umanas (en particular antropologia, etnologia e istòria) del temps que los faches tractats son ancorats geograficament dins la zòna del Creissent lingüistic (consultar lo perimètre de l'aira del Creissent).
Los rencontres de Sant-Amand-de-Boixe son obèrts a totes los apròchis en sciéncias del lengatge e encoratjan egalament las proposicions a caractèr interdisciplinari pertocant los parlars del Creissent e l'aira lingüistica del Creissent.
Las proposicions pòdon èsser somesas en francés, anglés, occitan, o dins las lengas romanicas seguentas : espanhòl, italian, portugués. Las lengas del collòqui seràn lo francés e l'anglés.
La data limita de somission dels resumits es lo 15 de febrièr de 2024. Los resultats de l'avaloracion dels resumits seràn comunicats a partir del 4 de març de 2024.