Ací Gasconha qu'organiza lo son 31au Calam (concors literari en Gascon) dont la remesa deus prèmis se debanarà dissabte lo 17 de Junh de 2023 a Baiona.
En seguida deu son 30au anniversari, la Vila d'Anglet que mantien lo son prèmi de 1 500 € en mei deu prèmi abituau :
Prèmi de creacion de la Vila d'Anglet dotat de 1 500 € (1èr prèmi : 1 000 € e 2au prèmi : 500 €) d'ua òbra video en lenga occitana gascona de 30 s. a 5 mn, au format mp4, dont lo tèma es libre. L'òbra que deurà estar acompanhada d'ua nòta de presentacion de la video e deu tèxte escriut deu contienut. Aqueth prèmi qu'es obèrt a tot public, adultes, estudiants e escolars.
Las òbras que deuràn estar transmetudas au secretariat deu concors abans lo 8 de mai de 2023.
Per las autas categorias n'esitetz pas a consultar lo reglament suu site de l'associacion.