En partenariat amb lo ministèri de l’Educacion nacionala, l’Ofici public de la lenga occitana e las regions Novèla-Aquitània e Occitània lançan un chèc present de 15€ a totes los escolans de la 3na a la Terminala que seguisson un aprendissatge en occitan.
Libe-Libre ! edicion 2022, qu’es aquò ?
- Una operacion per totes los liceans e los escolans de 3na occitanistas de la region Novèla-Aquitània e de la region Occitània ;
- Un chèc de 15€ per comprar un libre en occitan ;
- 28 librariás partenàrias (19 en Occitània, 9 en Novèla-Aquitània) ;
- 76 licèus e 230 collègis sus las doas regions ;
- 3200 escolans concernits ;
- Una operacion coordenada directament pels professors dins cada licèu e collègi.
Una accion del Plan d'accion licèu per la lenga occitana
Après la capitada de l’edicion de l’an passat que s’adreçava pas qu'a las escòlas primàrias de Novèla-Aquitània, caliá tornar calibrar l’edicion 2022 per l’orientar de cap a un public d’adolescents e l’esténer a l’ensems del territòri interregional, Occitània e Novèla-Aquitània.
Aquesta operacion s’inscriu dins lo Plan d’Accion Licèu per la lenga occitana votat l’an passat e que consistís a desplegar mantunas accions tot lo long de l’annada per encoratjar l’aprendissatge de la lenga occitana al licèu e sa continuitat dempuèi la 3na.
Far sortir l'occitan de la classa e sostenir la filièra del libre
Per fòrça collegians e liceans occitanistas, l’occitan demora mai que tot una matèria escolara. Aquel tipe d’operacion a per tòca de los dubrir al monde cultural occitan qu’existís en defòra de l’escòla. L'enjòc es tanben de sostenir l’ensems dels actors de la filièra del libre en occitan.