Lo Conselh de Desvolopament deu País de Bearn qu’avia ua campanha visuau inedita, ua mesa au desfís entà har existir lo Bearn on èra tròp discrèt : dens l'imaginari collectiu.
Lo Conselh de Desvolopament deu País de Bearn qu'ei un espaci de participacion ciutadana a l’escala deu territòri, dont lo quadre juridic ei assegurat peu País de Bearn.
Amassant ciutadans atau com actors locaus (economics, associatius, culturaus), qu'òbra a la mesa en valor de Bearn e deus sons actors. La soa mission que consisteish a encoratjar lo dialògue, la reflexion collectiva e l'emergéncia d'iniciativas qui contribuan au desvolopament e a l'atractivitat deu territòri.
Atau, peu son drapèu de plan reconéisher, l'escadença que n'ei balhada a totas las bearnesas e tots los bearnés de s'exprimir, de contar « lo lor » Bearn.
Après l'intervencion deus « amorsaires », los prumèrs volontaris qui avièn l'iniciativa, participants nombrós que's son dejà manifestats : abitants, professionaus de la lenga, esportius, elegits, associacions, paisans, « exiliats » de Bearn, familhas…
N'esitetz pas a har víver lo projècte en vos fotografiar e en contar lo vòste Bearn : « Drapèu, lo Bearn que v’està plan ! »