La campanha Bona Annada, qui s'i torna tots ans de 2003 enlà, qu'ei ua faiçon de socializar la lenga, de l'auherir au monde qui la desconeishen, aus qui la parlan a casa e aus qui l'aprenen a l'escòla o hens cors taus adultes.
Aquera campanha qu'ei miada peu Congrès en aliança dab lo CIRDÒC - Institut occitan de cultura. Lo visuau qu'ei gessit d'un concors intèrne a l'Escòla superiora de las arts e deu design deus Pirenèus : arron un detzenat de participants de segond cicle, qu'estó Lucie Roche la qui s'emportè lo prèmi dab un visuau calorós entà rescauhar los còrs deu monde per aqueras tempsadas tan particularas.
La campanha que representa un milierat d'afichas, mes tanben 35 000 cartas de vòts en Navèra Aquitània e Occitania distribuidas a gratis capvath los petits comèrcis neoaquitans, atau com ua difusion numerica de visuaus e un filmòt d'animacion capvath los hialats sociaus solide !
- Lo filmòt :
- Bona Annada sus França 3 Aquitània (lo 14/01/21 de 3'45'' enlà) e França 3 Tolosa (lo 23/01/21 de 5'55'' enlà)
- Bona Annada dens la République des Pyrénées :
- Los visuaus de Bona Annada 2021 :
